ВИДЕО: Во зоолошката во Скопје, посетител ја вознемирува лавицата Бела

На фејсбук страницата на Скопје ЗОО денеска објавија видео на кое се гледа како засега непознат сторител ја вознемирува лавицата Бела.

„На социјалната мрежа „Тик Ток” јавно е објавено видео кое не згрози сите, а во кое гледаме вознемирување и изживување врз лавицата Бела. Во Скопје Зоо доаѓаат прекрасни посетители, нашите вработени се постојано на терен, но некогаш и една минута е доволна за некој несовесен да го направи ова, прекачен преку заштитните огради во делот кој е забранет за посета. Снимателот и лицето од видеото ќе бидат пријавени во полиција, а Зоо Скопје отсега ќе има и дополнително обезбедување. Нема да дозволиме никој да ја загрози благосостојбата на животните! Лицата ќе одговараат за ова дело!”, напишаа од ЗОО.