Протестот на Шарената револуција во Скопје заврши, пред зградата каде што живее лидерот на ВМРО-ДПМНЕ Никола Груевски. Граѓаните, со запалени факели извикуваа „Шутка не ти бега Никола“. Полицијата ја имаше блокирано улицата кај зградата. Демонстрантите стоеја на раскрсницата.Истовремено, пред домот на Груевски се пуштаа прислушуваните материјали.
Пред домот на Груевски, демонстрантите обоија голем портрет со неговиот лик #протестирам #шаренареволуција pic.twitter.com/m6UpvXqmX3
— META.mk (@meta_agency) May 12, 2016
Притоа, демонстрантите обоија и голем портрет со неговиот лик. Претходно, беше обоена зградата на Пазарната инспекција. Денеска протестот беше посветен на казнената политика.
Пред домот на Груевски се пуштаат прислушуваните материјали #протестирам #шаренареволуција pic.twitter.com/9E4cuwQ7Qg
— META.mk (@meta_agency) May 12, 2016
– Деновиве сме сведоци на инспекции врз ресторани и кафулиња, уништување имот на невладини организации и приватен имот, вербални и физички напади врз соборци и граѓани. Но, повторно и повторно порачуваме: „Тоа нема да не спречи да ја бараме слободата!“ Веќе доволно пати сме биле сведоци на вакви притисоци и заплашување – нема да ви поминат. Ќе останеме солидарни со сите наши соборци и граѓани кои најдемократски бараат нормален живот без страв и уцени. Остануваме на улица се до подобра Македонија. И гласно покажуваме: Газиме врз стравот! – порачуваат денеска демонстрантите./извор а1он и Мета
