(ВИДЕО)Французите не се откажуваат од протести: Инциденти во Париз и Нант, приведени 11 лица

од Nikola Popovski

Париската полиција соопшти дека привела 11 лица на протест против пензиските реформи, додека маршеви и демонстрации се одржуваат ширум Франција, јавуваат тамошните медиуми.

Радио Франс Инфо објави дека неколку стотици илјади луѓе се собрале низ земјата и дека во текот на денот се најавени 230 демонстрации.

Инцидентите избувнале во Париз и Нант, додава радиото.

Синдикатите, главни организатори на протестите по објавувањето на реформата во пензискиот систем, продолжуваат да бараат францускиот претседател Емануел Макрон „да се консултира со народот“ пред да ја усвои реформата.

Засега надлежните не реагираа на протестите.

Горниот дом на францускиот парламент, Сенатот, во кој мнозинството го сочинува десничарската опозиција, пред три дена го одобри зголемувањето на старосната граница за пензионирање од 62 на 64 години, што е клучна одредба од најавената реформа која Макрон сака ја усвои за време на неговиот втор претседателски мандат.

Сенатот има рок до утре вечер да ја разгледа реформата, а властите се надеваат дека ќе го усвојат целиот текст.

Слични содржини