Околу 400 гледачи се собраа на фудбалскиот натпревар одигран во неделата во близина на Стразбур.
Се сретнаа клубови од долните лиги Нојхоф и Хотепјер, и ова не би било необична вест доколку пандемијата на коронавирус не беше во полн ек.
Досега таа однесе скоро 30.000 жртви во Франција, а Стразбур беше едно од жариштата.
Снимките на гледачите кои влегуваат на терен и слават голови се појавија на социјалните мрежи.
Le #match de foot #interquartiers réunit 400 #supporters dans la banlieue de #Strasbourg. Le maire réclame une enquête et des sanctions. La police n'est pas intervenue https://t.co/uAeXLVqBfy
— de Cabarrus Thierry (@tcabarrus) May 25, 2020
Полицијата реагираше и интервенираше, но штетата веројатно веќе е направена.
„Глупоста и неодговорноста можат да доведат до катастрофална здравствена состојба во нашиот регион. Нашата област и медицинскиот персонал никогаш не треба да влезат во нова драма“, изјави заменик-градоначалникот на Стразбур, Серж Олер, за француските медиуми.
„Имаме видеа, ќе провериме сè и сигурно ќе има санкции“, додаде тој.
🇫🇷 Pandémie de #coronavirus : c’est un employé municipal de la ville de #Strasbourg qui aurait ouvert le stade dans lequel c’est affronté un match de #foot (#Neuhof VS #Hautepierre) illégal rassemblant près de 400 personnes. L’homme serait recherché. (BFMTV) #deconfinement. pic.twitter.com/bq1bYnUCMV
— Conflits (@Conflits_FR) May 25, 2020
Лекар во болницата Пити-Салпјетр во Париз, професорот Гилберт Дерај, изјави дека се плаши дека нелегалниот натпревар ќе предизвика нови случаи на вирусот „Ковид-19“.
„Беше целосно неразумно. Вирусот е сè уште присутен и ваков настан може да биде мала вирусна бомба“, рече Дерај.