Повеќето производители на Android паметни телефони сè уште не сакаат да ги интегрираат 3D сензорите во нивните производи. Според DigiTimes, оваа година тешко ќе видиме многу производи со овој тип на технологија. Главната причина е сè уште високата цена на 3D сензорите што ги отфрлаат компаниите. Во моментов, еден сензор чини помеѓу 30 и 50 долари.
Овој развој на настаните пак е непријатно изненадување за производителите на чипови кои се надеваа на сериозно побарување на таков тип на производи по премиерата на iPhone X и во моментов се непријатно шокирани од бавното воведување во други производи.
Во моментов само Apple најверојатно ќе продолжи да користи 3D сензори во своите идни производи, а надежите на производителите се поврзани токму со компанијата од Купертино. Очекувањата се Face ID да биде интегрален дел од новите модели на iPhone, а надежите се дека оваа технологија ќе биде вклучена и во таблетите iPad за 2018 година.
Во меѓувреме компании како Qualcomm, MediaTek и Unigroup Spreadtrum & RDA се фокусирале во последните месеци на вештачка интелигенција во своите производи, кој е новиот моден тренд кај смартфоните, наместо врз нивната употреба за апликации за 3D скенирање.