Владиното мнозинство е стабилно, коалицијата нема никакви проблеми, тврдат владејачките партии

од Берта Китинска

Партиите од власта тврдат дека парламентарното мнозинство е стабилно, а Владата целосно фокусирана на менаџирање на кризата, како и на скрининг процесот на ЕУ, тврдат владејачките партии по превирањата во Демократската унија за интеграција.

Министерот за надворешни работи Бујар Османи, ги нарече лажна вест информациите за негова смена откако 20 сопартици му испратија писмо на лидерот Али Ахмети искажувајжи незадоволство.
Османи кажа дека во партијата има големо ниво на демократија и секој може да го каже својот став, но дека последниот збор го има лидерот.

– Со вчерашната изјава на Ахмети, мислам дека тука е завршена таа приказна, изјави Османи, одговарајќи на новинарско прашање на денешниот брифинг во МНР.

Воедно ставот дека владиното мнозинство е стабило го повтори и потпретседателот на СДСМ Перо Костадинов.

-Владиното мнозинство е стабилно и коалицијата нема никакви проблеми, истакна Костадинов.

Тој додаде дека засега има информации дека од владиниот тим ќе се менува само Горан Милевски од Министерството за локална самоуправа кој даде оставка и нема најави за дополнителни промени.

Слични содржини