Гувернерот на Флорида, Рон ДеСантис, го повика американскиот претседател Џо Бајден да се вклучи во решавањето на кризата со гориво што го погоди југот на земјата откако хакерската група DarkSide ја запре испораката на нафтени деривати преку „Колонијал“ гасоводот, пренесе „Daily Mail“.
Дистрибутивната криза влезе во шестиот ден во средата, а јужните федерални држави беа најтешко погодени од недостигот. Недостатокот на гориво е најголем во Северна Каролина, каде што 65 проценти од бензинските пумпи се „суви“. Повеќе од 60 проценти од бензинските пумпи во Атланта, Џорџија, немаа гориво во средата, а дури 70 проценти од бензинските пумпи во Пенсакола, Флорида, немаа гориво. Седумдесет и еден процент од пумпите во Шарлот, Северна Каролина не се во функција.
„Мислам дека ова е нешто што бара сериозно внимание на владата. Во суштина, тоа е кибер напад врз критичната инфраструктура на нашата земја“, рече ДеСантис во вторникот вечерта.
Од „Колонијал“ соопштија дека во среда ќе одлучат дали е безбедно гасоводот да продолжи да работи, што многу брзо ќе стави крај на кризата со гориво. Доколку тоа не се случи, а недостигот продолжи, експертите велат дека цените на горивата може драматично да скокнат. „Не може да се каже дека тоа е приватен гасовод и дека нема да се мешаме. Не, Владата на САД треба да се вклучи. Треба да помогне во решавањето на оваа ситуација“, рече ДеСантис. „Се плашам дека овој недостиг ќе им создаде на луѓето многу проблеми, особено проблеми со животните. Но, тука е и нашата економија“.
Администрацијата на Бајден тврди дека работи на решавање на кризата со олабавување на регулативите во сегментот за транспорт на камиони, со цел да ги искористи за дистрибуција на гориво до пумпите што го немаат. Министерот за транспорт Пит Бутигиг рече дека владата не губи време и ги презема неопходните чекори за да спречи недостиг на гориво. Бутигиг ги повика Американците да не акумулираат гориво и ги предупреди да не ставаат гориво во пластични кеси под никакви околности.
Си-ен-ен исто така пишува дека администрацијата на Бајден го критикувала гасоводот за неподготвеност и слаби безбедносни протоколи.
Кризата во дистрибуцијата на нафтени производи доведе до тоа просечната цена на горивото во САД да надмине три долари за галон за прв пат од 2014 година.
Кризата доведе и до тепачки на бензински пумпи на некои места погодени од кризата. Возачите во Најтдејл, Северна Каролина, се степаа во вторникот додека чекаа ред за бензин на бензинска пумпа Маратон Петролеум. Сведок рече дека жена се обидела да се протурка преку ред и дека маж не сакал да ја пушти, по што бил „почестен“ со вулгарности и дури го плукнала. Мажот излегол од својот автомобил и тој ја плукнал. Двајцата потоа почнале да се тепаат. Нема информации дали некој бил уапсен по инцидентот.
GAS STATION FIGHT: Man & woman brawl outside Marathon gas station on US 64 in #Knightdale.
Witness tells @WRAL a woman tried to cut the line, hit a car & spit on a man while yelling. The man got out of his car and spit back at the woman. No word yet on charges. (🎥: Shaaddeez) pic.twitter.com/NPWbPNI5ub
— Joe Fisher – WRAL (@JoeFisherTV) May 12, 2021
Ланецот бензински пумпи на Паркер, кој работи во областа Џорџија и Јужна Каролина, на својот Фејсбук профил објави дека ќе овозможи на секој клиент да набавува гориво за најмногу 50 американски долари.
GAS SHORTAGES – Gas station ran out of gas. Fight! pic.twitter.com/ThVtNxM0rb
— New Granada (@NewGranada1979) May 12, 2021
На 7 мај, хакерската група DarkSide го нападна „Colonial Pipeline“ со рансомвер што предизвика исклучување на компјутерската опрема за управување со гасоводот. Нападот, кој се смета за најголем кибер напад врз нафтената инфраструктура на САД во историјата, доведе до целосно исклучување на гасоводот. Околу 2,5 милиони барели гориво минуваат низ него секој ден – околу 300 милиони литри – што е скоро 45% од дневната потрошувачка на гориво во погодените земји. Американскиот претседател Џо Бајден прогласи вонредна состојба на 9-ти мај.
DarkSide досега погоди најмалку 40 компании и организации и секој пат побара откуп од 200.000 до 2 милиони долари. Хакерите на DarkSide произведуваат алатки за напади „рансомвер“ – овозможуваат на жртвата да криптира податоци – и потоа земаат провизија за исплата на откуп.
Американскиот претседател Џо Бајден во понеделникот изјави дека има индиции дека софтверот за уцена со кој бил извршен нападот пристигнал од Русија. Руската амбасада во Соединетите држави во вторникот ги отфрли тврдењата дека Москва стои зад сајбер нападот што ја наруши работата на најголемиот нафтовод во Америка.