Во аптеки во Косово пронајдени шверцувани лекови од С. Македонија

Припадниците на косовската Царина вчера извршиле претрес во дури девет аптеки, каде што откриле шверцувани лекови од Србија, Северна Македонија и Албанија.

Претресени се аптеки во Грачаница, Ранилуг, Штрпце и други локации.

Според Царината, на шест локации пронашле 1.000 артикли шверцувани фармацевтски производи, односно лекови, пишува „Коссев.инфо“.

Сите производи се одземени и поведена е прекршочна постапка.

Косовската царина објави и неколку фотографии на кои се гледаат лекови произведени од фармацевтската компанија во Србија – Галеника.