Во Грција и Италија почнаа да се апсат антиваксери

Во Грција стапи на сила новата одредба од кривичниот закон, со кој се забранува ширењето на лажни вести. Во четвртокот беше уапсен адвокатот Никос Антонијадис, кој е предводник на неформалното антиваксерско движење во земјата. Во меѓувреме тој беше пуштен на слобода, а за медиумите изјави дека апсењето нема да го смени неговиот став.

И во Италија е забележана слична реакција на полицијата, откако беше извршен претрес во становите на 17 луѓе, кои се идентификувани како сопственици на профилите на социјалните мрежи, кои ширеле лажни вести за вакцините.