Иако секој петти жител во Хрватска е постар од 65 години, а постарите луѓе се најризична група на луѓе кога станува збор за коронавирус, во првата половина на 2020 година имало скоро 1.000 помалку смртни случаи во Хрватска во однос на истиот период лани.
Централното биро за статистика објави привремени резултати за првата половина од годината, кои покажуваат како пандемијата на коронавирус влијаела врз населението, колку луѓе починале во овие шест месеци, а колку се венчале, пренесува Index.hr.
Податоците покажуваат дека бројот на починати во периодот од јануари до јуни 2020 година опаднал за 3,6 проценти во однос на истиот период минатата година, односно имало 985 помалку смртни случаи. Податоците покажуваат дека и покрај пандемијата „Ковид-19“ не се забележани значителни отстапувања во бројот на загинати во однос на забележаниот период од претходните години.
ЦБС забележува дека привремените податоци за смртни случаи не се целосно споредливи со конечните податоци, наведувајќи дека привремените податоци се однесуваат на месецот на регистрација во државниот регистар, а не на месецот на настанот.
Сепак, во јуни 2020 година, бројот на смртни случаи се зголеми за осум проценти во однос на јуни 2019 година, односно имаше 300 повеќе смртни случаи отколку во истиот месец лани.