Во Италија нови високи бројки: Властите и официјално ставија клуч на се

За еден ден во Италија има 57 нови жртви од Ковид 19, а има и повеќе од 16 000 новозаразени, пишува агенцијата Анса, која емитуваше објава од Министерството за здравство.

Во три од 20-те региони, нивото на инфекција е многу високо, а во други 10 региони ризикот од ширење на инфекцијата е среден или висок. Имајќи ги предвид овие податоци, властите воведоа строги анти-ковидни мерки за следните денови.

Од денес до 6 јануари цела Италија повторно ќе биде заклучена, како и за време на Божиќните празници.

Ова значи дека сè е затворено – продавниците, баровите, рестораните, продавниците и на граѓаните им е забрането да се движат.

Може да се биде на улица само во исклучителни случаи, со потврда дека е потребно, а од 22 до 7 часот е полициски час.

Анкета објавена од агенцијата покажува дека секој втор Италијанец поддржува анти-мерки и е подготвен да се придржува до нив.

За вечерва, на преминот од старата во новата година, најавени се строги контроли со цел да се спречи собирање на повеќе од дозволениот број луѓе.

Полицијата ќе ги контролира не само јавните простори, туку и како што е најавено, виртуелниот простор, т.е. мрежата, со цел да открие, евентуални, групни празнични прослави.

Слични содржини