Московската полиција денеска уапси 20 новинари кои протестираа против апсењето и затворањето на поранешниот колега Иван Сафронов под обвинение за предавство.
Полицијата брзо ги опколи новинарите кои се обиделе да демонстрираат пред истражниот центар за притвор во Лефортово, каде е Иван Сафронов од неговото апсење минатиот вторник, објави АП.
Руското обвинителство го обвини советникот на шефот на руската вселенска агенција Роскосмос и поранешниот новинар на „Комерсант“ и „Ведомости“, Иван Сафронов, за предавство.
Како што изјави за ТАСС бранителот на Сафронов, Иван Павлов, неговиот клиент е обвинет за предавство според член 275 од Кривичниот законик на Русија.
„Тој се изјасни за невин“, рече адвокатот.
Сафронов беше уапсен минатата недела и обвинет за предавање воени тајни во чешката разузнавачка агенција во 2017 година, што тој го негира.
Ако биде осуден, на Сафронов му претстои затворска казна до 20 години.