Во населбата Трнодол без срам се расфрла градежен шут: Инспекторатот на Град Скопје излезе со реакција (ВИДЕО)

Во населбата Трнодол, вчера беше забележано како од камион се исфрла градежен шут.

Истиот настан бил регистриран од случаен минувач кој ја вклучил камерата од својот телефон, упатувајќи прашање што прават и дека за истото ќе бидат казнети.

Тој им порача и да го соберат, она што претходно го расфрлале.

Најчесто градежниот шут фрлен на несоодветно место се забележува подоцна, а никој не знае кој го фрлил.

Дополнително, во оваа ситуација е жално што улицата е нова. Неодамна реконструирана. Но, несовесните продолжиле со старите навики, па шутот заврши како „потпорен ѕид“, покрај ивичникот.

Видеото е поставено на профилот на „Не биди ѓубре“. Би требало ова да го види инспекцијата и соодветно да ги казни сторителите.

Инаку, според Законот за јавна чистота, граѓаните на Скопје се должни градежниот отпад да го одложат директно во депонијата „Дрисла“.

-Сторителот на ова нелегално депонирање на градежен шут во населбата Трнодол е пронајден и утре ќе му биде изречена највисоката законски предвидена глоба и задолжување да го врати теренот во првобитна состојба, беше посочено во објавата на инспекторатот на Град Скопје.

Погледнете го видеото во продолжение:

 

Слични содржини