Во поплавите во Турција загинаа 27 лица

од Stefanija Kuzmanovska

Најмалку 27 лица ги загубија животите во поплавите што ги погодија турските градови во крајбрежниот појас долж Црното Море, објави денеска Службата за вонредни ситуации, што е втора голема природна катастрофа во Турција овој месец.

Поплавите предизвикаа хаос во северните провинции, додека на југот на земјата, властите се бореа со огнот две недели, но тие објавија дека ситуацијата сега е под контрола, објави „Ројтерс“.

Во провинцијата Кастамону, 25 лица загинаа поради поплавите, а уште две лица загинаа во провинцијата Синоп.

Продолжува потрагата по исчезнатите во провинцијата Бартин.

Повеќе од 1.700 луѓе беа евакуирани од погодените области, а некои од нив мораа да бидат евакуирани со чамци и хеликоптери.

Слични содржини