Ова е страшно, тешко ќе издржиме “, е само еден од коментарите што ги запалија социјалните мрежи кои доаѓаат директно од Шпанија. Оваа земја веќе втора недела е во изолација, но бројот на починати од коронавирусот непрекинато се зголемува. Властите објавија дека за 24 часа се пријавени 462 смртни случаи, што е највисок дневен скок откако започна епидемијата, а експертите прават катаклизмични прогнози дека нагорниот тренд ќе продолжи.
– Сè уште сме во фаза на раст на бројот на заболените и починатите, сега главниот удар на вирусот и оваа состојба ќе потрае – рече Пере Годој, директор на Шпанското здружение на епидемиолози.
До вчера во Шпанија се регистрирани вкупно 2.182 смртни случаи, што значи дека за само три дена двојно е зголемен бројот на мртви – бројка што дури и Кина и Италија, кои се најтешко погодени од вирусот, не ја достигнале.
Исто така, експертите велат дека територијалното проширување е многу полошо во Шпанија отколку во Италија. И во обете држави, околу 90 проценти од првите 100 жртви беа во трите региони. Во Италија ова се Ломбардија, Ромања и Венето, а во Шпанија Мадрид, Баскија и Арагон.
Повеќе од 80% од 6.000 починати во Италија се регистрирани во трите споменати региони, додека во Шпанија овој процент е 65%. Причината е што, за разлика од Италија, во Шпанија вирусот се шири многу побрзо во автономните региони – Каталонија, Кастилја Леон, Кастилја Ла Манча …
– Во изминатите неколку дена видовме постојан тренд на смртност во неколку региони. Ова е феномен што не се случи во Италија – рече Даниел Лопез, здравствен службеник кој некогаш беше еден од водечките луѓе во Светската здравствена организација.
Тој смета дека причината е што Италија реагирала побрзо и ги блокирала градовите и го ограничила движењето, додека луѓето од Шпанија биле слободни да се движат со денови пред да бидат регистрирани првите смртни случаи.
Иако експертите велат дека е премногу рано да се донесат заклучоци, тие веруваат дека полошо сценарио ќе им се случи од Италија.
„Мислам дека тоа што немаше ограничување на движењето низ регионите помогна толку брзо да се прошири вирусот“, вели Годој.
Лопез, од друга страна, верува дека „увозот на вирусот“ од Италија, исто така, придонесе за тоа, многу пред да бидат откриени „локални инфекции“ во Шпанија.
Секако беше поинтензивно и пораспространето отколку што можеше да се случи меѓу Кина и Италија, што го објаснува сегашното зголемување забележано во тие заедници – вели Лопез.