Во Шпанија, 734 луѓе починаа во последните 24 часа како резултат на инфекција со новиот коронавирус, а вкупно се 13.798, соопшти Министерството за здравство во вторникот.
Овие бројки го прекинаа четиридневниот тренд на намалување на смртните случаи. Во понеделникот, потврдени се 674 смртни случаи.
Податоците од вторникот покажуваат дека се потврдени повеќе од 5.500 нови случаи или вкупно 140.519. Повеќе од 43.200 пациенти закрепнале – зголемување од скоро 3.000 во споредба со понеделникот.
Само Италија потврди повеќе смртни случаи предизвикани од КОВИД-19 отколку Шпанија. Сепак, некои извори се сомневаат дека вистинскиот број на загинати е значително поголем од пријавениот.
И покрај тешката состојба, болниците во Шпанија опаѓаат во бројот на нови случаи, а има помал општ притисок отколку во претходните недели.
Во текот на четвртата недела од забраната за движење, властите размислуваат за следната фаза во спречувањето на ширење на инфекцијата. Зголемувањето на бројот на тестови во Шпанија ќе биде клучно.