Украинската државна обвинителка Ирина Венедиктова објави дека дванаесет новинари во Украина се убиени од почетокот на рускиот напад врз нивната земја.
– Да се зборува за вистината за агресијата на Путин е смртоносна – досега се убиени 12 новинари, објави Ирина Венедиктова на својот Твитер профил.
Таа додаде дека меѓу нив има и американски, ирски и руски новинари.
Обвинителката изјави и дека се ранети уште десет.
Во досегашниот тек од војната, нападнати се најмалку 56 претставници на медиумите, меѓу кои 15 странци.
-Нападнатите странски новинари биле од Британија, Чешка, Данска, Швајцарија, Обединетите Арапски Емирати и САД, напиша таа.
Revealing the truth about Putin's aggression is getting increasingly risky and dangerous. To date, 12 journalists died during the war, 10 more are injured. Protecting journalists is a priority for the Office of the Prosecutor General, especially today.
— Iryna Venediktova (@VenediktovaIV) March 26, 2022