На прашањето зошто не беше прифатена мерката која ја предложи за ставање на јавната администрација на минимална плата од 14.500 денара, претседателот на СДСМ, Зоран Заев во „Само Интервју“ на „Канал 5“ Телевизија изјави дека во владата немало мнпзинство за носење на таа одлука.
– Владата немаше мнозинство и владата има целосна поддршка и се одлучи дека ова сега не треба да се прифати и е одложено за одредено време, доколку има потреба. Јас до денеска стојам на тој став, но апсолутно го почитувам тоа што го реши Владата, вели Заев.
Тој вели дека сега администрацијата е „во ќар“ бидејќи 60-70 отсто од административците сега седат дома и дека во услови кога кредитите се одложени, извршителите се одложени и има евтини кредити за подигнување, вкупната потрошувачка на граѓаните е редуцирана.