Денеска повторно на протест пред македонското Собрание се собраа граѓани, кои се против уставните измени што се на дневен ред на собраниската седница од 13 часот.
Група граѓани и покрај студното време и снегот и денеска излегоа на протест пред Собранието на Република Македонија против уставните измени. Тие велат дека протестот е за одбрана на македонското име, идентитетот, историјата и традицијата на македонскиот народ и против, како што наведуваат, „најголемото национално предавство“.
На протестот учествуваат членови на граѓанските здруженија „Македонија блокира“, „Христијанско братство“, партијата „Единствена Македонија“, „Твордокорни“.
Улицата пред Собранието е целосно блокирана, а се забележува и зголемено присуство на полицијата.
Македонското Собрание 75.седница на која треба да се расправа за уставните измени наместо во 13:00 часот денеска ќе ја продолжи во 15:00 часот.
На дневен ред се предлог-амандманите XXXIII, XXXIV, XXXV и XXXVI на Уставот на Република Македонија, како и предлог-уставниот закон за прогласување на амандманите, што претствува трета и последна фаза од процесот на уставните измени кои произлегуваат од Преспанскиот договор.
Протест против уставните измени…
Публикувахте от MИА.mk в Четвъртък, 10 януари 2019 г.
Протест против уставните измени
Публикувахте от MИА.mk в Четвъртък, 10 януари 2019 г.