Volkswagen „пензионираше“ уште еден модел

од Vladimir Zorba

Според последните информации од добро упатени извори, Volkswagen ги произведува последните (претходно нарачани) примероци од спортската верзија на up моделот! кој се крие зад ознаката GTI, а симпатичниот потсетник на првиот Golf GTI веќе не може да се нарача.

Volkswagen премиерно го претстави спортското издание на моделот од А-сегмент пред четири години, а лесниот и пргав up! GTI со себе донесе трицилиндричен турбо бензинец кој развива 115 коњски сили и 200 Nm вртежен момент, што е доволно за забрзување од 0 до 100 km/h за 8,8 секунди и максимум од 196 km/h.

Она што нема да им се допадне на љубителите на малите спортски автомобили е информацијата според која поголемиот Polo GTI наскоро би можел да биде пензиониран, а во тој случај ниту VW нема да му подготви наследник.

Слични содржини