161
Турција од полноќ воведува нови мерки за борба против епидемијата на коронавирус, вклучително и делумен полициски час за лица под 20-годишна возраст.
Исто така, решено е да се забрани влез и излез на возила во 31 град, освен за возилата кои пренесуваат намирници и лекови, рече претседателот Реџеп Таип Ердоган.
Тој додаде дека употребата на маски на места каде има повеќе луѓе станува задолжителна, пренесува Ројтерс.
На граѓаните на возраст над 65 години и на оние со хронични заболувања им е забрането излегување од домовите.
Во Турција, бројот на смртни случаи од коронавирус денес се зголеми за 69, со што вкупниот број на починати изнесува 425 лица, а вкупно заразени се скоро 21.000 луѓе.