Возач на автобус сакал да излезе од државата со фалсификувано лекарско уверение

од Nikola Popovski

МВР информира за возач кој покажал фалсификувано лекарско уверение а другиот воопшто не го поседувал по извршена полициска контрола во автобус од Тетово кој бил на излез од државата.

Според информациите, денеска во 11.30 часот на Граничен премин Табановце, при излез од државата, полициски службеници од Регионалниот центар за гранични работи Север извршиле контрола во автобус на превозно претпријатие од Тетово.

Притоа, едниот возач В.Д.(39) од Тетово приложил фалсификувано лекарско уверение, а другиот возач Ш.О.(49) од Гостивар не поседувал лекарско уверение.

За настанот бил известен Јавен обвинител и по целосно документирање на случајот ќе биде поднесена соодветна пријава.

Слични содржини