Вознемирувачко ВИДЕО: 13.годишно момче убиено од полицијата во САД

Внатрешна полициска контрола во Чикаго вчера објави видео во кое полицаец убива 13-годишно момче, што е последен пример за полициска бруталност што може да ги разгори граѓанските немири во тој град.

Деветминутно видео снимено од камера на телото на полицаец започнува со неидентификуван полицаец кој излегува од возилото и трча по уличката зад Адам Толедо во 2:30 часот наутро на 29 март во Малото село во населбата Вест Сајд.

На видеото потоа се гледа како полицаец му вика „стоп“ на Толедо пред да успее да го стигне и да му нареди да ги покаже рацете. Се чини дека Толедо започнал да ги крева рацете пред офицерот да пука и веднаш да притрча кон момчето кое паднало на земја.

– Пукано, пукано. Испратете брза помош – вели полицаецот.

Веднаш по инцидентот, полицијата во Чикаго објави дека Толедо држи револвер во раката. Но, на видеото е нејасно дали го имал за време на пукањето.

Полицијата ги бркала Толедо и уште еден човек откако добиле дојава дека во близина има пукање, соопшти полицијата.

„Бројни полицајци се собраа на улица во 2:30 часот наутро на 29 март и, едноставно кажано, го изневеривме Адам“, рече градоначалникот на Чикаго, Лори Лајтфут, на прес-конференција пред видеото да стане достапно.

Внатрешната контрола објави и видеа од трети страни и други материјали поврзани со спорниот настан.

Со фаталното полициско пукање врз Даунт Рајт во неделата во предградие на Минеаполис и судењето за убиството на поранешниот полицаец во Минаполис, Дерек Шовин за убиството на Џорџ Флојд, последниот инцидент ги зголеми тензиите во Чикаго.

loading...

Слични содржини