Паника завладеа во населба во Индоре, најнаселениот и најголем град во индиската држава Мадја Прадеш, откако леопард нападна и повреди пет лица денеска, соопшти полицијата.
Според локалната полиција, заради инцидентот биле ангажирани и службеници од Одделот за шуми.
Откако Индија воведе мерки за затворање поради пандемијата на коронавирусот минатиот март, неколку животни, вклучително и загрозени видови, беа забележани како лутаат по улиците во различни делови на земјата.
Видео од леопардот кој напаѓа луѓе стана популарно на социјалните мрежи.
*WARNING – Sensitive visuals*#Leopard attacks family of 3 and 2 others in Indore. One policeman also injured.
~ We encroached upon their land. Just putting it out there.#ManAnimalConflict #wildlife #Deforestation pic.twitter.com/aJyCSHo0Zi
— Murukesh Krishnan (@MURUKESHK) March 11, 2021
Видеото покажува како леопард напаѓа полицаец додека другите вклучени во акцијата за спасување се обидуваат да го свртат вниманието на дивото животно од припадникот на полицијата. Се слуша шум, а леопардот, исплашен од бучавата, се обидува да се одбрани.
На службениците на Одделот за шуми им беа потребни неколку часа да го уловат дивото животно. Повредените лица се итно пренесени во болницата, пренесува „Спутник Интернешнл“.