Жените со ситни очи имаат проблеми кога треба да се нашминкаат, бидејќи пред се, имаат мала површина за работа. Некогаш и најмала грешка може да ги направи визуелно уште поситни или пак, да изгледа како да претерале со шминката.
Pixabay
Со помош на следниве совети, ќе постигнете вашите очи да изгледаат покрупно и повпечатливо:
Обликувајте ги веѓите – обликуваните веѓи придонесуваат окото да биде повпечатливо дури и без примена на шминка.
Изедначен тен – употребете коректор посветол една нијанса од пудрата, за да постигнете воедначена боја на кожата околу очите.
Добро мешајте ги сенките – важно е да не се забележува граница меѓу различните бои, односно правилно да бидат „претопени“.
Нанесете неколку слоја маскара – така вашите трепки ќе ја добијат потребната густина. Совет: Не ставајте маскара на долните трепки.
Светло моливче за очи – имајте при рака бело или друго светло моливче за очи, за да нанесете на линијата на долниот капак.