Враќање на полицискиот час од 22 од 5 часот, предлага Комисијата за заразни болести

од Берта Китинска

Комисијата за заразни болести ќе го достави својот предлог до Владата за повторно да се врати полицискиот час.

Според наши извори полицискиот час ќе почнува од 22 часот до 5 часот и ќе важи за критичните места каде има зголемен број на заболени од короанвирусот.

Во земјава вчера беа регистрирани 111 новозаболени од КОВИД-19, а досега бројот на активни случаи е 1.226. Две лица вчера починаа – пациентка од Струга на возраст од 53 години и пациент од Прилеп на возраст од 80 години. Шест пациенти се оздравени.

Најголем број од новорегистрираните случаи се во Скопје – 63, потоа следуваат Куманово – 11, Штип – 12, Тетово – 8, Велес – 3, Охрид – 1, Гостивар – 3, Крива Паланка – 1, Кочани – 9.

Вкупната бројка на ковид дијагностицирани во нашата земја од почетокот на епидемијата изнесува 3 025, бројката на оздравени пациенти е 1 646, а на починати е 153.

Слични содржини