Манчестер Сити или Ливерпул ќе станe шампион во Премиер лигата?
Дали Тотенхем или Арсенал ќе ја заземе посакуваната четврта позиција во конечниот поредок?
Барнли или Лидс ќе замине во Чемпионшип?
Ова се најважните прашања, на кои одговори ќе ги добиеме во возбудливото последно коло од англискиот шампионат денеска.
За прв пат по 10 години во 38. „рунда“ ќе гледаме расплет на јазолот во битката за титула, топ 4 и опстанок во елитата.
БОРБА ЗА ТИТУЛАТА
Манчестер Сити има еден бод пред Ливерпул, што значи дека треба да избегне полош резултат како домаќин на Астон Вила отколку тимот од Мерсисајд против Вулверхемптон за повторно да триумфира со највредното признание на Островот.
Нормално, играчите на Пеп Гвардиола и повеќето навивачи се подготвени за победата на „граѓаните“ над тимот на Стивен Џерард. Ова ќе и даде смисла на сезоната за Сити и ќе избрише дел од разочарувањето од елиминацијата од полуфиналето во Лигата на шампионите, а воедно ќе ги лиши Јирген Клоп и друштвото од можноста да освојат историски „квадрупул“.
Овие две екипи по трет пат во последните четири сезони ги заземаат првите две места во конечниот поредок, а по втор пат од 2019 година може да ги дели само еден бод.
БОРБА ЗА ТОП 4
Неодамнешните погрешни потези на Арсенал оставија можност на Тотенхем да му треба само еден бод од сега испаднатиот Норич за да заврши на четвртото место. Спарс имаат два бода предност пред „топџиите“, но и неспоредливо подобра гол-разлика (+24 наспроти +9).
Арсенал е домаќин на Евертон и мора да победи и да се надева дека тимот на Антонио Конте ќе направи голема грешка.
Нешто во втор план е конкуренцијата на шестиот во поредокот во моментов Манчестер Јунајтед и Вест Хем, кои мора да одредат кој ќе игра во Лига Европа, а кој во Лигата на конференциите.
„Црвените ѓаволи“ гостуваат кај тешкиот Кристал Палас, а „чеканите“ имаат непредвидливо гостување кај Брајтон.
БОРБА ЗА ОПСТАНОК
Кој ќе им се придружи на Норич и Ватфорд во Чемпионшип следната година? Барнли и Лидс имаат еднаков број бодови, но гол разликата на Барнли е за 20 гола подобра. Тоа значи дека мора да избегнат послаб резултат од директниот ривал за да опстанат.
Играчите на Мајк Џексон му гостуваат на Њукасл додека Лидс патува во Брентфорд, каде што нема успех од 1950-тите.