Познатиот француски доктор Дидие Раул не верува дека епидемијата на коронавирус ќе има втор бран.
Епидемијата го достигна врвот, опаѓа и тој пад продолжува, тврди Раул.
Тој вели дека ова се рефлектира во крива во форма на ѕвоно и дека тоа се случува во повеќето случаи кога станува збор за појава на вирусни епидемии. Францускиот професор посочува дека таквата зараза одеднаш се развива и наеднаш исчезнува без да се знае зошто.
„Приказната за враќањето е фантазија базирана на шпанскиот грип, што нема никаква врска со ова“, рече директорот на Медитеранската клиника за инфективни болести во Марсеј.
Тој се огради дека треба да биде претпазлив, бидејќи не може да ги предвиди работите, но додаде дека датумот на 11 мај, кој Франција го постави за почеток на укинувањето на изолацијата, не е чуден. Се надоврза на истражувањата на математичарите од Сингапур кои ја пресметуваа кривата што опаѓа во сите земји.
– Во Франција, врз основа на оваа анкета, 97 проценти од случаите ќе бидат на 7 мај, а 99 проценти ќе бидат на 19 мај – рече Раул.
Исто така истакна дека по напуштањето на општиот карантин, треба да се изолираат само позитивни случаи, но додаде дека преносот на вирусот би бил многу послаб отколку сега.
Во Франција, регистрирани се вкупно 128.442 позитивни случаи, што е за 1.607 повеќе во последните 24 часа. Но, во болниците има 650 помалку пациенти, а во моментов има 26.834.
Бројот на пациенти со реанимација опадна за 180 пациенти и изнесува 4.207. За потсетување, во пикот на епидемијата имало близу 7.200.
Досега се излечиле 48.208 лица. За еден ден, 427 луѓе починаа од коронавирусот, со вкупна бројка на смртни случаи од 24.087 во оваа земја.