Актуелно
Почетна / TOP NEWS / Вучиќ: Денес е убедливо најтежок ден, Белград е најголемо жариште следат Ниш и Ваљево

Вучиќ: Денес е убедливо најтежок ден, Белград е најголемо жариште следат Ниш и Ваљево

За време на посетата на „Штарк арената“, српскиот претседател Александар Вучиќ зборуваше за тековната состојба со коронавирусот.

„Денес е далеку најтежок ден“, рече Вучиќ, додавајќи:

„Сега ги тестираме луѓето што доаѓаат во земјата. Ќе имаме точни информации за нив“.

Вучиќ рече дека повеќе од 260 лица биле тестирани од вчера и дека ќе бидат тестирани околу 500 граѓани во текот на денот.

Тој рече дека за десетина дена ќе се тестираат околу 3000 луѓе дневно, заради што ќе се зголеми бројот на заразени лица.

„Но, ние мора да се соочиме со тоа и подобро е да се соочиме со тоа отколку да чекаме да дојде смртта по нас. Болниците секој ден се полнат, ќе има повеќе жртви бидејќи се повеќе луѓе се на респиратор“, рече Вучиќ.

Како што рече, подобро е да се обидеме да откриеме инфекција во рана фаза и со тоа да спасиме дел од нашите животи, но и да спречиме ширење на болеста на други.
Вучиќ потсети дека тестирањето сега се прави забрзано.

„2.000 тестови можат да се направат за еден ден. Подобро да ја погледнете вистината во лице, соочете се со проблемот пред да дојде катастрофа. Ќе се бориме за животите на нашите луѓе. Белград е најголемо жариште, следат Ниш и Ваљево. Наскоро следат нови мерки за тие три града.Кикинда беше најголемо жариште на почетокот, и натаму имаме три или четири лица од тој град во тешка состојба “.

loading...