Претседателот на Србија, Александар Вучиќ изјави дека Мирослав Лајчак и советниците на Емануел Макрон и Олаф Шолц донеле лист хартија во Белград што тој одбил да го добие, одговарајќи на прашање за нацрт-договорот меѓу Белград и Приштина објавен од „Albanian post“, а кој наводно биле подготвени од Германија и Франција.
„Го прочитав тој лист. Знаејќи што ќе се случи, одбив да го примам. Не можам да кажам дека можев да се сетам на четири страници по петнаесет минути читање. Јасно е дека соопштението не дојде од српска страна. Дали е објавено од Албанци или некој друг, затоа што му одговара користење на медиумите, не ми е гајле. Без разлика дали тоа е целосно точно или не, не можам да се сетам на секој детал, но знам кои биле нечии идеи“, изјави Вучиќ за ТВ Пинк од Њујорк.
Тој вели дека кога зборувал за новата архитектура, не го лажел народот во Србија.
„Некои од идеите што ги напишаа, слушнав за тие идеи. Доволно сум искусен за да знам дека не треба да го земам тој лист“, изјави Вучиќ.
На прашањето каде е сега листот, тој рече дека чека да го земе. На прашањето дали ќе го земе, тој изјавил: „Уште не можам, ме боли главата“.
Тој изјави и дека нема можност Србија да го пушти Косово во ОН.
„Овде работите се прилично јасно поставени. Велат Путин изградил ѕид – или си од оваа или од другата страна на ѕидот. Се соочуваме со големи притисоци во однос на енергетската безбедност“, рече Вучиќ.
Тој изјави дека ако го прифатат или не го прифатат предлогот, ќе има проблеми.
„Ако прифатиме, никогаш нема да можете да ја исфрлите Приштина од ОН“, рече Вучиќ.