Претседателот на Србија, Александар Вучиќ, денеска на Стратешкиот форум Блед рече дека верува во обединета Европа и дека само обединета Европа може правилно да одговори на кризата.
„Верувам дека сите ние треба да бидеме дел од обединета Европа“, истакна Вучиќ на крајот од првиот лидерски панел на БСФ, „Иднината на Европа – одолеј и истрај“, одговарајќи на прашањето што ќе биде клучно за иднината на Европа.
Вучиќ посебно им се заблагодари на Давид Сасоли и Шарл Мишел, додавајќи дека е вистина дека Мишел рече дека ЕУ започнал голем проект кој има доста опипливи резултати.
„Ги знаеме сите наши задачи и што треба да промениме (на пат кон ЕУ). Не можам да кажам дека молиме, но наша желба е да влеземе во ЕУ. На крајот, си требаме едни на други. Ако погледнете, на пример, ние Србите и Хрватите, не можеме да се согласиме речиси за ништо за минатото, но верувам дека без соработката на Србите и Хрватите не можеме да преживееме во иднина, а да не зборуваме дека не можеме да ја подобриме сегашната позиција“, рече Вучиќ.
Претседателот на Србија истакна дека затоа не верува само во помирување, туку и во практичен пристап што ќе доведе до подобри решенија во иднина, и повтори дека верува во обединета Европа.