Актуелно
Почетна / Глобално / Балкан / Вучиќ: Србија нема да биде лесен плен, затоа купуваме одбранбено оружје

Вучиќ: Србија нема да биде лесен плен, затоа купуваме одбранбено оружје

Србија купува само одбранбено оружје, за да не биде лесен плен, е одговорот на претседателот Александар Вучиќ на забелешките и прашањата на панелот на Давос.

Претседателот беше запрашан после панелот „Дипломатски дијалог за Западен Балкан“.

„Имаше забелешки на сметката на Србија и најголемото противење беше зошто ние се вооружуваме и купуваме оружје од Русија. Мојот одговор беше прилично силен и убедлив. сите други купуваат офанзивни средства, а ние само дефанзивни. Од друга страна, иако можевме да си дозволиме системи S300 или 400, ние не го сторивме тоа “, рече српскиот претседател.

Вучиќ пред новинарите изјави дека денес присуствувал на две панели, политички и економски и дека не е во можност да открие кој и што точно рекол.

Вучиќ, исто така, верува оти опстанокот на даноците што ги наметна Приштина на стоки од Србија и БиХ е неодржлив и дека дел од проблемот ќе биде решен по формирањето на новата косовска Влада. Тој процени дека, да не беше 100% данок на стоки што одат на Косово, Србија би имала раст на БДП од 4,3 или 4,4% наместо четири или 4,1 процент, и дека тогаш тоа ќе беше најголем раст во Европа.

„Затоа е клучно да се укинат такси“, додаде тој, додавајќи дека нема многу смисла да се врати авиокомпанијата меѓу Белград и Приштина и да се зборува за воведување на железничка линија доколку не постои можност за проток на стока.

Вучиќ рече дека немал „блиска средба“ со косовскиот претседател Хашим Тачи во Давос, но дека и двајцата учествувале на неформален собир.

loading...