Актуелно
Почетна / Глобално / Балкан / Вучиќ за настаните во БиХ: Очекуваа од мене да му давам наредби на Додик, не ми паѓа на памет такво нешто

Вучиќ за настаните во БиХ: Очекуваа од мене да му давам наредби на Додик, не ми паѓа на памет такво нешто

Претседателот на Србија, Александар Вучиќ, по состанокот во Брисел, потврди дека го поддржува интегритетот на БиХ, како и на РС во рамките на БиХ.

„Фактот дека луѓето покажуваат незадоволство од Белград и се обидуваат да кажат дека Белград стои зад сè … Па, не ги донесов јас решенијата на Уставниот суд, дури ни на Законот за слобода на религија, ниту било кој некој од Белград, туку некој друг го стори тоа“, рече Вучиќ синоќа.

Тој вели дека истиот пристап од 90-тите и 2000-тите се повторува – најлесно е да се обвини Белград, но истакнува дека тоа веќе не е случај.

“Нема ништо контроверзно во ова. Тие очекуваа дa му давам наредби на Милорад Додик. Не ми паѓа на памет да го сторам тоа. Некои луѓе си даваат за право да ја водат српската политика и да утврдат што треба да биде”, истакна Вучиќ.

„Никој од нив не е претседател на Србија“, рече тој, додавајќи дека тие треба да ја завршат својата работа, а не неговата.

На прашањето за изјавата на Додик дека РС ќе стане независна и ќе најде начин да се обедини со Србија, тој потврди дека Србија го поддржува територијалниот интегритет на БиХ и интегритетот на РС во БиХ.

„Ова е логично и нормално. Јас не држам предавање на нив кога ќе речат дека Косово е независна држава “, истакна тој, додавајќи дека неговиот однос е прецизен и коректен:

„Посакувам другите да ја имаат таа прецизност во нивните изјави,  тоа што јас ќе бидам обвинет во Јутарњи лист или друг весник во Хрватска, така што треба да пронајдете некој друг“, изјави Вучиќ.

loading...