Речиси 33.000 жители на неколку општини на шпанскиот канарски остров Ла Палма мора да се засолнат во своите домови од отровните гасови што ги испушта вулканот Камбре Виеја, кој почна да еруптира пред три месеци, одлучија локалните власти.
Регионалната влада на архипелагот им нареди на жителите на одредени општини да се засолнат поради многу лошиот квалитет на воздухот, бидејќи вулканот испушта сулфур диоксид.
– Затворете ги вратите, прозорците, долните ролетни и спречете го воздухот да влезе. Доколку е можно, засолнете се во соби што се наоѓаат колку што е можно во вашиот дом, советува регионалната влада, додавајќи дека климатизерите и греењето треба да се исклучат.
Ерупцијата на вулканот се случи на 19 септември, за прв пат по 50 години.
Засега нема жртви, но материјалната штета е голема. Повеќе од 7.000 луѓе беа евакуирани, од кои некои останаа без ништо.
Тоа е најдолгата ерупција на островот и трета во последните 100 години, по ерупциите на вулканот Сан Хуан во 1949 година и Тенегвија во 1971 година.