За Ахмети на 27 април немало терористички акт

Лидерот на ДУИ, Али Ахмети го поддржува повторното судење за 27 април и го повтори ставот дека на 27 април немало терористички акт, туку насилство или напад врз пратеници, политички лидери и новинари.

Како што објави Алсат-М, Ахмети оценува дека истражните органи треба да откријат дали толпата била организирана.

– Се примени насилство врз народните избраници, имаше бруталност, но немаше терористички акти. Се знае што се терористички акти и каква квалификација е терористички акт. Судството треба да ја расчисти во целост целата ситуација затоа што е премногу комплицирана – вели Али Ахмети.