Во Белгија, која беше најзагрозена од коронавирусот од земјите со средна големина, не се регистрирани смртни случаи во последните 24 часа, за прв пат од 10 март.
Како и многу други европски земји кои беа погодени од епидемијата во март и април, бројот на заразени во Белгија е намален со воведување мерки за затворање, кои сега се олеснети, пренесува Ројтерс.
Вкупниот број на смртни случаи пријавени од белгискиот Институт за јавно здравје е 9.787.
Земјата е дом на 11,5 милиони луѓе, што значи дека околу 850 луѓе починале на милион жители, што е најлошиот биланс во светот по Сан Марино.
Највисок дневен пораст на бројот на смртни случаи е на 12 април, кога се забележани 343 смртни случаи.
Во Белгија се израмни кривата на растот на бројот на заразени лица, а во последните седум дена дневниот просек беше 95, што сепак е пораст од 11 проценти во однос на претходната недела.
Вкупно 62.781 луѓе се заразени во земјата од почетокот на епидемијата.