Претседателот на Украина, Владимир Зеленски, го потпиша Законот за внатрешен воден сообраќај, со кој се забранува бродовите под руско знаме да се движат по реките внатре во земјата, објави прес-службата на канцеларијата на шефот на државата.
„Поточно, се утврдуваат условите за работа со внатрешниот воден транспорт, употребата на внатрешните водни патишта и нивните крајбрежни ленти за навигација. Се регулира одговорноста на сопствениците на бродови за кршење на законот за внатрешен воден транспорт и слично. Законот исто така ги имплементира основните барања на директивите и регулативите на ЕУ според Договорот за придружување со ЕУ“, се вели во соопштението.
Владата го поддржа законот на 3 декември и според текстот на законот, им беше забрането да влегуваат во внатрешните водни патишта на Украина на бродовите со знаме на „држава-агресор“ (во јануари 2015 година, украинскиот парламент усвои изјава во која Русија се нарекува „држава- агресор“); бродови кои припаѓаат на граѓани на „држава-агресор“ или физички и правни лица против кои се применети посебни санкции.