Калифорнија деновиве ја зафати топлотен бран, а моменталната ситуација ја покажува не само моќта на природата, туку и нејзиното влијание врз развојот на автомобилската индустрија.
Топлотниот бран во САД продолжува. Надлежните се обидуваат да се справат со последиците, но тоа не е лесно.
Некои држави имаат значителни ограничувања. Така, Калифорнија го забрани полнењето на електричните автомобили во часовите пропишани од властите.
Топлотниот бран ќе трае неколку дена, а температурата би можела да надмине 40 Целзиусови степени. Логично е дека во овие временски услови побарувачката за електрична енергија е значително поголема благодарение на широката употреба на клима уреди, кои трошат многу енергија.
Ова значи дека дури и во сончеви области како Калифорнија има големо оптоварување на електричната мрежа. Според тоа, властите препорачуваат да не се користат електрични уреди освен ако е апсолутно неопходно.
Насоки добија и сопствениците на електрични автомобили. Од вторник до среда не смееле да ги полнат автомобилите во пропишаното работно време, а можно е ситуацијата да се повтори.
Како што се наведува, овие превентивни акции се во функција на спречување на построги ограничувања на потрошувачката на енергија.
Треба да се напомене дека САД истовремено се обидуваат да поттикнат напуштањето на автомобилите со мотори со внатрешно согорување, што значи помасовна транзиција кон електрични автомобили или јавен превоз.
Со оглед на актуелните енергетски проблеми во овие ситуации, изгледа како апсурден потег. Затоа, не е тешко да се заклучи дека струјата ќе поскапи, што ќе го ограничи пристапот до ресурси кои денес се сметаат за достапни.
Дали приватните автомобили наскоро ќе станат луксуз? Не е исклучено. Во секој случај, иднината не изгледа оптимистичка.