Претседателот на СДСМ, Зоран Заев за емисијата „Клик плус“ на ТВ 21 изјави дека не можеме да имаме и 4 пакет мерки и состојбата да оди вака до недоглед. 
„Ако не се договорат политичките партии за изборите, тогаш Уставот и законот ќе одлучат, таму е пропишано. Тие не можете да ги кршите, тие се светост во државата. Мене ми е јасно дека Мицкоски бега од избори“, изјави Заев.
Тој стакна дека бројките на заболени со коронавирус не ги кријат, а процесот е транспарентен.
„Едно е јасно, бројките не се кријат, транспарентен е процесот од самиот почеток до денеска и јас верувам дека само така е исправно, никако поинаку. Останува сите максимално да се придржуваме на мерките, носење на маски, редовна дезинфекција, држење на дистанца, секако хигиената е многу важна, но и укажување на другите за оваа работа“, посочи Заев.