Претседателот на Владата, Зоран Заев по сведочењето за случајот „Титаник“, денес пред Кривичниот суд се осврна на бегството на Сашо Мијалков, како и дел од актуелните теми.
Меѓудругото, на новинарско прашање како ја коментира одлуката на ЛДП да се претставува самостојно во Собранието, вели дека ова не е вистинско време за ваков потег.
„Одлуката на ЛДП е донесена уште во текот на формирањето на владината коалиција и чекаа соодветен момент. Објаснувањето за ова е дека сакаат да имаат поголема видливост, бидејќи наводно помалите партии се претопени во поголемите и го разбирам тоа“, истакна Заев.
Во таа насока, тој посочи дека и Беса размислува за таква одлука, но како и за ЛДП смета дека во време кога опозицијата најавува ново парламентарно мнозинство, ваквите потези се несоодветни на времето.