Денес се можете да кажете за владата, денеска има деморкатија, денес сме сите еднакви, но ние ќе продолжиме да градиме уште потранспарентна влада за народот и за поголеми права на сите граѓани, но и за подобра иднина“, изјави претседателот на СДСМ, Зоран Заев.
„Има политички партии на кои не им се допаѓа таквата отчетност и транспарентност, една од тие партии е и ДУИ и затоа ќе оди во опозиција. Ние немаме време да ги чекаме, мораме целосно да бидеме отчетни, ќе има контрола на сите трошења, институциите ќе бидат отворени и ќе се знае секој денар за што ќе се потроши“- уверуваше Заев од предизборната трибина на коалицијата „Можеме“ во Шуто Оризари.
Заев потсети на големите одлуки на неговата влада со кои се отвора патот за економски реформи и поквалитетен живот.
„Додека тие сакаа власт ние се боревме за народот. Носевме одлуки затоа што само по европскиот пат можеме да донесеме пари кај народот. За две и пол години успеваме да станеме членка на НАТО и започнуваме преговори со ЕУ. Нема да отстапиме од тој пат ниту ќе дозволиме некој да ни го смени правецот. Ние сме најголема коалиција, со сите етнички заедници, и овој пат ќе победиме низ целата држава.“- рече Заев во пораката дека сите обединети мора да покажеме сплотеност и заедништво кон остварување на стратешките цели за државата.