Нема потреба од оставка по неуспехот со португаското претседателство секоја година има самит , вели премиерот Зоран Заев одговарајќи на новинраско прашање за тоа дали би поднел оставка.
-Во такви предизвици кога се случија уставните промени, ги направивме сите реформи дома и навистина 100 процентно беше потврдено заради новата методологија на предлог на францускиот претседател, се случи одложувањето. Тогаш ја поднесов оставката и повикав на избори. Отидовме на избори со главна помисла дека граѓаните треба да одлучат, остануваме на европскиот пат или ќе разработуваме други варијанти. Одлучија граѓаните, дадоа поддршка и покрај такви тешки процеси, ја добив таа чест и одговорност пак да ја водам македонската влада. Сега мислам дека нема потреба заради тоа што не е во ред, нерационално е да се оди на избори, рече Заев.
Заев нагласи дека очекува сериозен фокус кон прашањето за проширувањето и отпочнувањето на првата меѓувладина конференција од словенечкото претседавање со ЕУ, коешто започнува од први јули.
-Ние продолжуваме, со напори, со обиди, знаејќи до каде смееме и што е дозволиво за разговори, надевајќи се дека час поскоро ќе продолжи европеизацијата низ европските механизми, а тоа се поглавјата. Затоа европеизацијата во нашата земја се случува секојдневно, ние немаме друга алтернатива. Моите очекувања се дека тоа ќе се случи во декември оваа година, рече Заев.