Захарова: Смртните казни се јасен пример за сите платеници

од Stefanija Kuzmanovska

Портпаролката на руското Министерство за надворешни работи Марија Захарова денеска изјави дека смртните казни кои им се изречени на странски борци во самопрогласената Доњецка Народна Република (ДНР) се „јасен пример за другите платеници кои се борат за Украина“.

– Ваквата строга казна се чини дека е јасен пример за сите други платеници кои се борат на страната на украинските неонацисти или само имаат намера да им се придружат, бидејќи ова е злосторство против цивилното население во Донбас – нагласи Захарова, пренесува ТАСС.

Двајца Британци и еден Мароканец, кои се бореле на украинската страна, беа осудени на смрт од судот на ДНР под обвинение дека се платеници, пренесува „Ројтерс“.

Британската агенција додава дека Западните власти тврдат дека овие луѓе треба да се третираат како редовни војници заробени во војната и дека затоа имаат право на заштита според Женевските конвенции.

Слични содржини