Холандската компанија Lightyear, која ги помина последните шест години развивајќи технологии за создавање на првото електрично возило во светот на соларна енергија, сега влезе во нова фаза. Првиот модел, Lightyear 0, влезе во производство.
Напредокот во технологијата на батерии резултираше со значително намалување на времето на полнење во текот на изминатите неколку години. Основачот и извршен директор на Lightyear, Лекс Хоесфлот, сепак, верува дека брзата транзиција кон електрични возила ќе резултира со голем број возила кои бараат пристап до инфраструктурата за полнење, која нема да се зголеми во согласност со зголемената побарувачка.
Автомобилите со соларна енергија од Lightyear, сепак, нема да бидат толку зависни од инфраструктурата, според „ХАК“.
Lightyear 0 доаѓа со кабел за полнење, но има и автономија која расте со сончевата енергија. Батеријата во автомобилот има скромни 60 kWh што ветува автономија од 463 km со едно полнење. Во комбинација со соларното полнење што е достапно со два заоблени панели, Lightyear 0 може да помине 695 километри. Веројатно е премногу амбициозно, но е интересно. Врз основа на просечно дневно возење од 35 km, Lightyear 0 може да се вози цели два месеци пред да треба повторно да се приклучи на струја.
Lightyear соработуваше со финската компанија Valmet Automotive за нејзините производствени барања. За почеток, фабриката ќе произведува еден автомобил неделно и има за цел да го зголеми производството до првиот квартал на 2023 година. Lightyear работи на втор модел, кој се очекува да бара уште помал пристап до електричното полнење и да биде поевтин.
Lightyear 0 чини околу 250.000 евра.