Започна светската револуција против маските и мерките против коронавирусот (видео)

од Nikola Popovski

Низ цела Европа, мерките се засилени за да се спречи брзото ширење на коронавирусот и да се зголеми бројот на заразени и смртни случаи. Ова изнесе многу граѓани на улиците во последните денови да го изразат својот револт против мерките. За време на протестите избувнале судири во некои градови.

Мерките за штедење главно вклучуваат затворање на услужни објекти, полициски час, задолжително носење заштитни маски, одржување на физичко растојание, а на некои места и цели градови завршиле во карантин.

Чешката полиција употребила солзавец и водени топови во неделата за да растера стотици демонстранти во Прага, кои нападнале полицајци и фрлале со шишиња, камења и други предмети.

Најмалку 20 лица се повредени во судирите меѓу полицијата и демонстрантите.

Илјадници луѓе присуствувале на протестите, вклучително и фановите на фудбалот и хокејот, кои протестирале против мерките вклучени за забрана на публика на спортските натпревари и затворање на барови и ресторани.

Исто така е забрането да се собираат повеќе од шест лица, но е дозволено да се соберат до 500 лица, доколку се поделат во групи од по 20 и ако носат заштитни маски. Многу демонстранти не носеле маски.

Среде полицискиот час, кој во Париз е во сила од неделата, поради новите мерки против пандемијата на вирусот, бил организиран непријавен протест против новите ограничувања.

Во регионот на Париз, како и во осум други француски региони, воведена е нова мерка за полициски час, која ќе трае од 21 до 6 часот наутро секој ден во следните четири недели.

„Слобода, слобода“, извикувале околу стотина демонстранти на плоштадот Шатл. Демонстрантите фрлале канти за отпадоци на улица, а по триесетина минути полицијата успеала да ги принуди насобраните да се разотидат, пренесуваат француските медиуми.

Револт против мерките за корона избувнал и во Велика Британија.

Борците против карантин се движеа по улицата Оксфорд, една од најфренквентните улици за шопинг во светот. Демонстрантите сметаат дека ограничувањата наметнати поради Ковид-19 се непотребни и претставуваат кршење на нивните човекови права. Некои се противат на носењето маски и вакцинирањето.

Дел од демострантите носеле транспаренти на кои пишувало: „Моето тело – мој избор, не за задолжителното носење маски“.

Британските власти затвориле пабови и барови во областите на северот на Англија, додека ограничени се собирите во Лондон и други делови на земјата.

loading...

Слични содржини