Денеска во Софија започнува официјалната средба на министрите за надворешни работи на земјите од Централноевропската иницијатива (ЦЕИ), со која Бугарија претседава годинава. Настанот ќе трае до 7 ноември, соопшти Министерството за надворешни работи (МНР).
Меѓу специјалните гости се генералниот секретар на Организацијата за економска соработка и развој Матијас Корман, претставници на Светската здравствена организација, Организацијата за црноморска економска соработка, Европската банка за обнова и развој и Јадранско-јонската иницијатива.
Во Националниот историски музеј денеска ќе има гала вечера за лидерите на делегациите на земјите членки на Иницијативата и специјални гости. Нејзин домаќин е министерот Николај Милков.
На 7 ноември во резиденцијата „Бојана“ ќе се одржи средбата на министрите за надворешни работи на земјите од Централно европската иницијатива. Истиот ден, во 15 часот по локално време, министерот Милков ќе отвори економски и бизнис форум во хотелот „Милениум Гранд“.
Централноевропската иницијатива, формирана на 11 ноември 1989 година, е еден од најстарите и најпознатите меѓувладини форуми за регионална соработка. Во моментов има 16 земји-членки – девет земји од Европската унија – Италија, Унгарија, Словенија, Полска, Чешка, Словачка, Бугарија, Романија, Хрватска, пет од Западен Балкан – Црна Гора, Србија, Република Северна Македонија, Албанија, Босна и Херцеговина и двајца од Источното партнерство – Молдавија, Украина.
Правата на Белорусија се суспендирани, се наведува на веб-страницата на Министерството за надворешни работи.
Бугарија е полноправна членка на Иницијативата од 1 јуни 1996 година, а на 1 јануари годинава по втор пат го презеде претседателството со ЦЕИ. Приоритетите на претседателството се економско и социјално закрепнување од пандемијата и од последиците од војната против Украина; подобрување на транспортната поврзаност; млади; развој на локалната димензија на ЦЕИ.