133
Турското Министерство за внатрешни работи објавило ново известување во четвртокот за правните мерки за оние кои даваат лажни или нецелосни информации за нивните контакти во врска со ширењето на коронавирусот, објави Анадолија.
Според известувањето, ако пациентите со Ковид-19 им дадат лажни или нецелосни информации на здравствените власти за тоа со кого имале физички контакт, тие би можеле да добијат затворска казна до две години или парична казна.
Досега во Турција се потврдени повеќе од 308.000 случаи на инфекција со коронавирус, додека како резултат на заразата починале 7.711 лица. Повеќе од 270 000 се излечиле.