Потпретседателот на СДСМ Мухамед Зекири, во вечерашната дебата на Телевизија 24 изјави дека Европската унија не дозволува ветинг во судството од причина што такво нешто се случило во Албанија, и не поминало како што треба. Наместо тоа, Зекири вели дека се посочува кон прочистувањето во судските редови.
-ЕУ не ни дозоволува ветинг. Знаат како помина во Албанија, и сега се оди на прочистување. Инстутциите почнаа да ги чешлаат судиите, гледаат што имале кога почнале и што имаат после 10 години работење. Тие институции се УЈП и Антикорупциската комусија. Ги повикувам институциите да ги следат и да ги објават јавно имињата на судиите. Има судии со по не знам колку станови, вили, коли, а со плата на судија знаеме дека тоа не може да го спечалат, вели Зекири.