Украинскиот претседател Володимир Зеленски во денешното онлајн обраќање до американскиот Конгрес го повтори својот повик за воспоставување зона на забранети летови над Украина со цел да се заштити од руските воздушни напади.
Зеленски, кој доби овации од Конгресот пред почетокот на говорот, ја цитираше познатата реченица од Мартин Лутер: „I have a dream“.
„Имам потреба, потреба да го заштитам нашето небо. Ми треба вашата одлука, ваша помош. Дали е премногу да се бара зона забранета за летови над Украина и да се спасат луѓето? Дали е премногу да се бара хуманитарна зона на летови?“, рече Зеленски кој за време на говорот објави видео од украинските градови под бомби.
Зеленски рече дека Џозеф Бајден како претседател на САД треба да биде „лидер на светот, лидер на мирот“.
„Како лидер на мојата нација, му се обраќам на претседателот Бајден. Вие сте лидер на нацијата, вашата голема нација. Сакам да бидете лидер на светот. Да се биде лидер на светот значи да се биде лидер на мир“, рече Зеленски кој од почетокот на инвазијата се појавува во зелени маици, кои изгледаат како маици што ги носат војниците.