Зеленски: Се водат жестоки битки за секој метар од Северодоњецк

Украинските војници жестоко се борат за секој метар од Северодоњецк, изјави синоќа украинскиот претседател Владимир Зеленски, во време кога руските сили го уништија мостот на реката, по што цивилите останаа со само еден излез, пренесува „Ројтерс“.

Северодоњецк стана епицентар на големите битки за контрола на украинскиот регион Донбас, а руската војска го освоила поголемиот дел од градот.

„Клучната тактичка цел на окупаторите не е променета: тие го напаѓаат Северодоњецк, таму се водат силни битки, буквално за секој метар“, изјави украинскиот претседател.